Ukrajina će morati da se odrekne čak i glavnog grada Kijeva u zamjenu za članstvo u NATO, izjavio je danas zamjenik predsjednika Savjeta bezbjednosti Rusije Dmitrij Medvedev.

“Nova ideja za Ukrajinu iz kancelarije Sjevernoatlantske alijanse: Ukrajina može u NATO ako se odrekne spornih teritorija. Šta? Ideja je interesantna. Pitanje je samo da su sve navodno njihove teritorije veoma sporne. A da bi ušle u blok, kijevske vlasti će morati da se odreknu čak i samog Kijeva, prijestonice drevne kijevske Rusije. Pa, moraće da presele prijestonicu u Lavov”, napisao je Medvedev na svom “Telegram” kanalu.

Stijan Jensen, direktor kancelarije generalnog sekretara NATO-a, danas ranije nije isključio mogućnost da Ukrajina postane članica Alijanse u zamjenu za ustupanje dijela svoje teritorije Rusiji.